Para vir ao Asalto, se prefires montar o teu propio campamento irmandiño, podes facelo con vistas ao castelo. Habilitamos uns terreos para que poidades acampar na mesma contorna do campo da festa, onde se celebra o festival. Isto é, debaixo do Campo de fútbol municipal de Vimianzo. O único acceso en coche posible será desde a rúa da Fonte dos Cabalos.
Ademais, este ano habilitamos un novo espazo para durmir: o pavillón municipal, situado trala Casa do Concello, á beira do paseo fluvial.
A zona de acampada é de entrada libre e gratuíta, sen posibilidade de reserva previa. Os lugares iranse cubrindo por orde de chegada.
Poñemos á túa disposición as duchas das instalacións deportivas próximas para que poidas asearte.
Pregamos respecto ao descanso dos demais irmandiños e coidado pola contorna que utilizas, pedíndoche que nos devolvas o lugar como o encontraches.
Coa finalidade mellorar a planificación da acampada, agradecemos si nos cubres este cuestionario, non che levará máis de 20 segundos facelo.
ÁREA DE SERVIZO DE AUTOCARAVANAS
Nas Cabreiras, na zona do Campo da Festa do Asalto, existe unha área de servizo para autocaravanas municipal, de balde e uso libre con 11 prazas. Auga potable, electricidade e baleirado de augas grises e negras.
Se vas durmir en furgoneta ou similar, recomendamos aparcar na mesma contorna da zona 1 de acampada, ou directamente no Parque Empresarial, que está ao lado indo a pé por un camiño de terra, e asegurades tranquilidade para o descanso.
ZONA 1. CAMPO DA FESTA.
ZONA 2. PAVILLÓN MUNICIPAL.
ÁREA DE SERVIZO DE AUTOCARAVANAS